મરીઝ ના શેર - Mariz Na Sher 

                  એક જ જવાબ દે મારો એક જ સવાલ છે 

                 આ મારા પ્રેમ વિષે તારો શું ખયાલ છે ? 

મરીઝ ના શેર -marij naa sher

            જખ્મો થી ખુદ ચુ ચુર આ હાલત તો જુઓ 

      

           લીધો તો રસ મેં કોઈ એક અઘરા શિકારમાં 

 

મરીઝ નાં શેર 

         હું પરવારી બેઠો છુ જગત ના સુખો થી 

         હવે તારો ગામ બેહિસાબ આવવા દે 

--------------------------------------

       છે એક મશ્કરી એની કુરાન હો કે ગીતા

     સમય ન વાંચવાનો દે કિતાબ આપીને 

-----------------------------------------------

 તારા સિવાય કોની મદદ માગું ઓ ખુદા

તારા સિવાય કોઈ ઉપર હક નથી મને

---------------------------------------

કેવી મજાની પ્રેમની દીવાનગી હશે !

કે જ્યાં ‘મરીઝ’ જેવો સમજદાર પણ ગયો

--------------------------------

નથી 'નકાર'ની કઈ  દાઝ મારા અંતરમાં,

ફકત તમારા પુરાણા 'હકાર' સળગે છે.

ક્શુંયે વચમાં નથી હોતું દેવતાની કસમ,

બધા પવિત્ર અહી આરપાર સળગે છે

-------------------------------

મારો બુધપો મારી જવાનીની છે ઉપજ,

તેથી ન એમાં ખાસ કશા રંગ ઢંગ છે.

----------------------------------

ઝાહેદ આ કેમ જાય છે મસ્જિદમાં રોજ રોજ,

એમાં જરાક જેવી મજા હોવી જોઇએ.

----------------------------------

કુરબાનીની  પ્રચાર  ભૂમિકા  ભલે  હશે

તુજ પર  થયો છું  હું  તો  નિછાવર  કહ્યાં  વિનાં....!!

------------------------------

હાથમાં આવી ગયું'તું એમનું આખું જીવન

હું હતો ગાફિલ, નહીં દેખાયા એ મોકા મને

---------------------------------------------

બંધ મુઠ્ઠી લાખની થઈ ગઈ છે સાચા અર્થમાં

આપના પાલવનો છેડો હાથમાં આવી ગયો

-----------------------------------------------------------------

જિંદગીને જીવવાની ફિલસૂફી સમજી લીધી, 

જે ખુશી આવી જીવનમાં આખરી સમજી લીધી. 

----------------------------------------

અંતિમ સમયમાં એમ એ જોતા રહ્યા મને,

કે એનું સૌ, ને મારું કશુંયે ગયું નહિ.

-----------------------------------

મરીઝ ના શેર 

પછી એના પ્રવાહે આખું સાધારણ જીવન વીતે, 

મહત્વના બનાવો હોય છે બે-ચાર કિસ્મતમાં...”

------------------------------

મને શ્રધ્ધા ભલે ને હોય કે ઈશ્વર બધાનો છે,

દુઆ એવી કરું છું જાણે મારો એકલાનો છે…

-----------------------------------------------------------------

સદા અડધે રસ્તે થી પાછો ફર્યો છું, 

ફરી એ જ ઘર ની દિશા યાદ આવી 

------------------------------------------

એ સૌથી વધુ ઉચ્ચ તબક્કો છે મિલનનો,

કહેવાનું ઘણું હો ને કશું યાદ ના આવે.

---------------------------------------

તારી સંગતમાં કેમ માની શકાય?

સ્વર્ગ મૃત્યુ વગર નથી મળતું

-------------------------------------------------------

દુ:ખ થાય છે હવે મને એની ન યાદ આપ

જુઠ્ઠી હતી મજા જે લીધી બસ લઈ લીધી

-------------------------------------

અન્ય અંધારા પણ જીવનમાં છે,

એક કેવળ વિરહની રાત નથી.

----------------------------------------

સૌ પથ્થરોના બોજ તો ઊંચકી લીધા અમે,

અમને નમાવવા હો તો ફૂલોનો ભાર દે.

----------------------------------------

તમારા ગાલ ઉપર આ ગરમ ગરમ આંસુ,

કે જાણે ફૂલની ઉપર તુષાર સળગે છે.

--------------------------------------

મરણ અહીંથી તને લઈ જવાનું પળભરમાં,

તું બેખબર આ જગતને વિશાલ સમજે છે.

----------------------------------------

તમે આવ્યાં હતાં પાછા જવાને તો ભલે જાઓ,

તમે મારું જીવન છો, તમને થોભાવી નથી શકતો.

------------------------------------------------------

નહીં એ કામ લાગે હો હજાર ઊભરા મહોબતમાં,

અણીના ટાંકણે હંમેશા ઓટ આવે છે હિંમતમાં

-------------------------------

આ તારા ઠંડા શ્વાસ અને મારી યાદમાં,

એક ઝાર જેવું લાગે છે દિલથી જીગર સુધી.

-----------------------------

દુનિયાના લાખ દર્દ પરંતુ શું મોહ છે? 

દુનિયા તજી જવાનો ન આવ્યો વિચાર પણ. 

-----------------------------

દુનિયામાં મને મોકલી પસ્તાયો હતો તું,

મૃત્યુનું બહાનું કરી આ પાછો ફર્યો લે.

-----------------------------------

મૃત્યુની બાદ એવું શું જોતા હશે બધા,

કે આખો દેહ સ્તબ્ધ - નયન દંગદંગ  છે.

--------------------------------------------

એ દ્વાર પરના હળવા ટકોરા તો રદ ગયા,

શાયદ એ સાંભળી લે જો માથું પછાડીએ.

મરીજ -મરીજ ના શેર 

ફક્ત એક જ ટકો કાફી છે, પૂરતો છે મહોબતમાં,

ને નવ્વાણું ટકા બાકીના ખર્ચી નાખ હિંમતમાં.

-------------------------------------------

અલ્લાહને લોકો તો ભલે આપશે માફી

સાચી તો એ માફી છે કે ઘર માફ કરી દે

--------------------------------------

આમ જ નિભાવે પ્રેમને એવાય હોય છે,

એવું કશું નથી કે વચન હોવું જોઈએ 

-------------------------------

પ્રભુએ વાહ રે આ કેવો રંગ જમાવ્યો છે;

ગુલાબી દિલને ન એકપણ ગુલાબ આપીને.

-----------------------------------------

અમસ્તા આપમેળે કહી દીધા છે દર્દ જીવનનાં,

કોઈ સામે જરા પૂછે તો સંભળાવી નથી શકતા!

------------------------------------------

સિતમ છે એ કે હૃદયની જો વેદના કહીએ,

જમાનો એને કવિનો ખયાલ સમજે છે.

----------------------------------------

દિલસે ગુજરાતી